საგარეო საქმეთა მინისტრი, დავით ზალკალიანი ბრიუსელში ნატოს სამიტის მიმდინარეობას ეხმაურება.
როგორც ზალკალიანი ამბობს, საქართველოს ყველა ვალდებულება აქვს შესრულებული.
„ყველა ერთხმად აღნიშნავს, რომ საქართაველოს გააჩნია ყველა პრაქტიკული ინსტრუმენტი საბოლოო წევრობისთვის. ჩვენ ვართ პირნათელი პარტნიორებთან მიმართებაში იმ ვალდებულების შესრულების კუთხით, რა ვალდებულებებიც გვაკისრია. ყველაფერი 100%-ით შესრულებულია საქართველოს მხრიდან. დარჩენილია პოლიტიკური გადაწყვეტილება პირველ რიგში ნატოს წევრების მხრიდან“,- აცხადებს დავით ზალკალიანი.
დღეს ბრიუსელში ნატოს სამიტი გაიმართება . სამიტზე საქართველოს საკითხიც იქნება განხილული.
