პარტია „საქართველოსთვის“ ლიდერი, გიორგი გახარია ბანერებთან დაკავშირებით საუბრობს, სადაც ოპოზიციის სხვა წარმომადგენლებთან ერთად არის გამოსახული.
როგორც გახარიამ აღნიშნა, მსგავსი ბანერების გაკვრა „ქართული ოცნების“ „ამორალური კამპანიაა“.
„უდიდესი იმედგაცრუებაა ჩემთვის. მორალს მიღმაა ეს ყველაფერი. პოზების დაჭერა, მე რა შუაში ვარ – მაგარი „არიფები“ არიან, როგორი „არიფები“ არიან იცით?! ისეთ „არიფები“ არიან, ასეთ რაღაცას რომ აკეთებენ და მერე გამოვლენ და იტყვიან, მეც არ მომწონსო. ამორალობის დონე და ფსკერია, იმის ნაცვლად, რომ ხალხს ვესაუბრებოდეთ კომუნალურ საკითხებზე, მუნიციპალურ სერვისებზე, გზებზე, ტრანსპორტზე და კიდევ სხვა რამეზე. ამიტომ ვამბობ, რომ „ოცნება“ გვაბრუნებს წარსულში და იმ წარსულში იყვნენ „ნაცები“, მაგრამ თბილისს ვერ მოატყუებენ. იმიტომ არიან „არიფები“, რომ ჰგონიათ, ამით გამოძვრებიან, მაგრამ ვერ გამოძვრებიან“,- განაცხადა გახარიამ.
თბილისის ქუჩებში ისევ გამოჩნდა „სისხლიანი ბანერები“. როგორც გაირკვა, იდეის ერთ-ერთი ავტორი, ბიზნესმენი მიხეილ გაბრიაძეა.
გაბრიაძემ „პრაიმტაიმთან“ საუბრაში ფაქტი დაადასტურა და თქვა, რომ ეს ნამდვილად მისი და მისი მეგობრების ინიციატივაა, რადგან „ნაციონალური მოძრაობის“ დაბრუნებას არ დაუშვებენ.
