ცოტა ხნის წინ ცნობილი გახდა, რომ ციციშვილის ბავშვთა კლინიკაში კორონავირუსით 8 წლის ბავშვი გარდაიცვალა.
კლინიკის დირექტორის, მაია ჩხეიძის განცხადებით, ბავშვს მძიმე თანმხლები დაავადებები ჰქონდა.
„ის იყო თანდაყოლილი ქრომოსომული პათოლოგიით, მცირე წონის იყო, აღინიშნებოდა ფსიქომოტორული სფეროს მკვეთრი ჩამორჩენა, გულის კომბინირებული მანკი, კოვიდის დადასტურებიდან დაახლოებით მეექვსე დღეს არის ჩვენთან შემოსული, მანამდე შევიდა სხვა კლინიკაში და იქიდან გადმოიყვანეს მძიმე მდგომარეობაში“, – ამბობს ციციშვილის კლინიკის სამედიცინო დირექტორი მაია ჩხაიძე.
კლინიკაში ამჟამად 80-მდე ბავშვი წევს მშობლებთან ერთად, აქედან მხოლოდ 2 მშობელი არის ერთჯერადად ვაქცინირებული, დანარჩენ მშობლებს არცერთი აცრა არ აქვთ ჩატარებული.
