მარნეულის მუნიციპალიტეტის, სოფელ ბურმის მოსახლეობამ მერიის წინ აქცია გამართა. აქციის მონაწილეების განცხადებით, გაუსაძლის სიცხესთან ერთად, სასმელი წყლის პრობლემა აქვთ.
„ასეთ საშინელ სიცხეში სასმელი წყალი არ გვაქვს. გაუსაძლისია პირდაპირ, დასაბანი კი არა სასმელად არ გვაქვს. ამიტომ მოვედით დახმარებას ვითხოვთ, ჭაბურღილი ჯერ კიდევ არ არის გაკეთებული. მერია სასმელ წყალს კვირაში სამჯერ გვიზიდავს, მაგრამ საკმარისი არ არის და ვითხოვთ რომ ყოველდღიურად მოიტანონ, დაგვპირდნენ რომ პრობლემა ორ აგვისტომდე მოგვარდებაო“, – ამბობს სადახლოში მცხოვრები.
მარნეულის მერიის განცხადებით, სამუშაოები აღნიშნულ სოფელში დასამთავრებელია და 2 აგვისტომდე სოფლის მოსახლეობას წყალი ექნება, გაკეთდება ჭაბურღილები და მოსახლეობას წყალი მიეწოდება.
ავტორი: მარიამ ქველაძე
