გუბაზ სანიკიძე “სტრატეგია აღმაშანებლის” დამფუძნებელს, გიორგი ვაშაძეს პოლიტიკურ სტრატეგიას უწუნებს. როგორც სანიკიძემ „პრაიმტაიმნიუსთან“ საუბრისას განაცხადა, ვაშაძესა და პარტია “კანონი და სამართლის” დამფუძნებელს, თაკო ჩარკვიანს „გაერთიანებული ოპოზიცია“ ძალა ერთობაშია არ უნდა დაეტოვებინათ.

„ვიზიარებ მიხეილ სააკაშვილის პოზიციას – ვფიქრობ, რომ ვაშაძემ დაუშვა საუბედურო შეცდომა, როცა გავიდა გაერთიანებული ოპოზიციიდან. ის არ უნდა გასულიყო ერთობიდან, რადგან თვითონ გადაწყვიტა გასვლა, ეს მისი არჩევანია.   ვაშაძემ და ჩარკვიანმა მათთვის საზიანო ნაბიჯი გადადგეს. ეჭვი მეპარება, რომ ამ ადამიანებმა არჩევნებში გაიმარჯვონ“, – განაცხადა სანიკიძემ.

სანიკიძე  სააგენტოსთან საკუთარი პოლიტიკური გეგმების შესახებაც საუბრობს და აცხადებს, რომ 2020 წლის საპარლამენტო არჩევნებში, სავარაუდოდ, მონაწილეობას მიიღებს, თუმცა რა ფორმით, ჯერჯერობით, უცნობია.

„ყველაფერი უახლოეს მამავალში გაირკვევა. რა თქმა უნდა, არჩევნებში მონაწილეობის სურვილი მაქვს, მაგრამ ვნახოთ… ამ საკითხთან დაკავშირებით, ჯერ გადაწყვეტილება არა მაქვს მიღებული”,- განაცხადა სანიკიძემ.

ინფორმაციისთვის, რამდენიმე დღის წინ გაერთიანებული ოპოზიცია „ძალა ერთობაშია“ პარტია „ახალი საქართველოს“ ლიდერმა გიორგი ვაშაძემ და პარტია „კანონი და სამართალის“ ლიდერმა თაკო ჩარკვიანმა  დატოვეს. მათ ახალი პოლიტიკური პლატფორმა შექმნეს.

ავტორი: ეკატერინე ზარნაძე