სომხეთში სოროსის რეჟიმი მოქმედებს, – ამის შესახებ აზერბაიჯანის პრეზიდენტმა ილჰამ ალიევმა, რუსეთის პროსახელისუფლებო არხ „Россия-1“-თვის მიცემულ ინტერვიუში განაცხადა.
ალიევი სომხეთის პრემიერ-მინისტრს ნიკოლ პაშინიანს სოროსის დანიშნულს და დიქტატორს უწოდებს.
გარდა ამისა, ინტერვიუში აზერბაიჯანის ლიდერი აცხადებს, რომ მთიანი ყარაბაღის კონფლიქტის დაწყებამდე ორი დღით ადრე, პაშინიანმა მთავარი ოპოზიციური ლიდერი დააკავა.
„სომხეთში, შიდაპოლიტიკური კრიზისია. სომხეთში სოროსის რეჟიმი მოქმედებს. [სახელმწიფო] გადატრიალება, რომელიც ბელორუსში ვერ შედგა, 2 წლის წინ სომხეთში შედგა. დღეს სომხეთის მმართველი პაშინიანის სახით, სოროსის დანიშნულია. ეს არის ადამიანი, რომელიც ბევრ დაპირებას იძლევა და რომლის შესრულებაც არ შეუძლია.
გარდა ამისა, 2 დღით ადრე სანამ თავს დაგვესხმებოდნენ, მთავარი ოპოზიციური პარტიის ლიდერი დააკავეს. ფაშინიანის დიქტატორულმა რეჟიმმა გაანადგურა მთლიანი ოპოზიციური სპექტრი და ახლა აგრესიის დემონსტრირებას აზერბაიჯანზე ახდენს“, – განაცხადა ალიევმა.
სომხეთი და აზერბაიჯანი მთიანი ყარაბაღის რეიონისთვის იბრძვიან, რომელიც დიდი ხნის განამვლობასი სადავო იყო . იგი აღიარებულია, როგორც აზერბაიჯანის ნაწილი, მაგრამ კონტროლდება ეთნიკური სომხების მიერ.
ბოლო ოთხი წლის განმავლობაში ეს ყველაზე სისხლიანი შეტაკებებია ამ რეგიონში.
შეგახსენებთ, მთიანი ყარაბაღის კონფლიქტის ზონაში ვითარება 27 სექტემბერს, გამთენიისას დაიძაბა.
