დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, აჭარაში, მიუხედავად სტაბილიზაციის პროცესისა, შეზღუდვები მაინც არ მოიხსნება.
„აჭარაში მიუხედავად იმისა, რომ სტაბილიზაციის პროცესი მიმდინარეობს, მაინც არ ჩაითვალა საჭიროდ შემზღუდველი ღონისძიებების მოხსნა. ჯერ კიდევ, სანამ ერთი ინკუბაციური პერიოდი არ გავა, არ ითვლება საჭიროდ შეზღუდვების მოხსნა. სულ მცირე ერთი კვირა მაინც, სანამ არ გვექნება ინფიცირების მცირე რაოდენობა, მანამდე არ არის შეზღუდვების მოხსნა საჭირო“,- განაცხადა ამირან გამყრელიძემ.
ცნობისთვის, დღეს ქვეყანაში კორონავირუსის 478 ახალი შემთხვევა დადასტურდა, აქედან აჭარას 196 მიეკუთვნება.
