„ქართული ოცნების“ მაჟორიტარობის კანდიდატი ზუგდიდში, ირაკლი ჩიქოვანი ზუგდიდში მომხდარ თავდასხმასთან დაკავშირებით, ყოფილი პრეზიდენტის, მიხეილ სააკაშვილის შეფასებებს ეხმაურება. ჩიქოვანი სააკაშვილს ტრაგიკომიკურს უწოდებს.
„მართლაც ტრაგიკომიკურია ის ადამიანი, რომელიც ფიქრობს, რომ მისი პარტიის მიერ ჩატარებული ღონისძიება შესაძლოა გახდეს იმის მიზეზი, ვერ მივაქციოთ ყურადღება ზუგდიდში განვითარებულ მოვლენებს.
მართლაც ტრაგიკომიკურია ის, რასაც ამ ადამიანის მხრიდან ვხედავთ. კიდევ ერთხელ გავიმეორებ, გუშინდელი დღის განმავლობაში იყო უპასუხისმგებლო ქმედებები კონკრეტული ადამიანების, მედიასაშუალებებისა და პოლიტიკოსების მხრიდან.
თითოეული მათგანის მხრიდან დავინახეთ ნათელი მცდელობა, რომ მოეხდინათ კაპიტალიზაცია იმ უბედურებაზე, რომელიც გუშინ ზუგდიდში იყო და რომელიც ჩვენს ათეულობით მოქალაქეს ემუქრებოდა. ამიტომ, ეს არის სრული უპასუხისმგებლობა, ხოლო მიხეილ სააკაშვილი უკვე არის ტრაგიკომიკური“,-განაცხადა ჩიქოვანმა.
