უმრავლესობის წევრი, ირაკლი კობახიძე ამბობს, რომ „ქართული ოცნება“ მაჟორიტარი დეპუტატობის კანდიდატებს ივლისში წარადგენს. ამის შესახებ მან ჟურნალისტებთან საუბრისას განაცხადა.
მისი თქმით, სრულფასოვანი საარჩევნო კამპანია ივლისში დაიწყება.
„ჩვენ ივლისში უკვე წარვადგენთ მაჟორიტარი დეპუტატობის კანდიდატებს. ეს გადაწყვეტილება პოლიტსაბჭოს მიერ იქნება მიღებული და შესაბამისად, ივლისის თვიდან უკვე აქტიურად გავლენ ჩვენი მაჟორიტარები იმისათვის, რომ დაიწყონ მოსახლეობასთან შეხვედრები. ანუ სრულფასოვანი საარჩევნო კამპანია დაიწყება უკვე ივლისის თვეში. ეს არის ჩვენი გეგმა,“ – განაცხადა კობახიძემ.
ცნობისთვის, ოპოიზიცამ თბილისში მაჟორიტარულ ოლქებში საერთო კანდიდატურები უკვე წარადგინა. საქართველოს პარლამენტი საკონსტიტუციო ცვლილებებს მეორე მოსმენით კენჭს ხვალ უყრის.
