„როცა მაიკ პომპეოს ვიზიტის დეტალები განისაზღვრა, მაშინვე იყო ცნობილი, რომ ბატონი ფილიპ რიკერი ამ პერიოდით რჩებოდა საქართველოში“,- ამის შესახებ აშშ-ში საქართველოს ელჩმა, დავით ბაქრაძემ ჟურნალისტებთან საუბრისას განაცხადა.
როგორც ბაქრაძე აღნიშნავს, რიკერი ფარავს მიმართულებას, რომელიც ევროპას და ევრაზიას მოიცავს.
„ის ახლდა სახელმწიფო მდივანს ევროპასა და ევრაზიაში, შემდგომ როცა ვიზიტი გაგრძელდა ახლო აღმოსავლეთში, ის უბრალოდ დარჩა და აქედან გაბრუნდა ვაშინგტონში. ამიტომ, ეს იყო განსაზღვრული, რომ ამ პერიოდით რჩებოდა,”- განაცხადა ბაქრაძემ.
ცნობისთვის, მაიკ პომპეოს გამგზავრების შემდეგ, მისი თანაშემწე ოპოზიციას შეხვდა.
