ჯანმრთელობისა და სოციალური დაცვის მინისტრის მოვალეობის შემსრულებლის ეკატერინე ტიკარაძის განცხადებით, მინიმუმ 2 ექიმების გადაწყვეტილებაა საჭირო “რემდესივირის” მისაღებად.
მისი თქმით, მოლოდინების შექმნა არ შეიძლება პრეპარატ “რემდესივირთან” დაკავშირებით.
„მე დავეთანხმები ბოჭორიშვილის კლინიკის დირექტორს და ნამდვილად მივიჩნევ, რომ მოლოდინების შექმნა არ შეიძლება პრეპარატ “რემდესივირთან” დაკავშირებით. ეს პრეპარატი მიიღება ძალიან მკაცრი გადაწყვეტილებით, კონკრეტულ პაციენტებზე, რომლებზეც ექიმები დარწმუნებული არიან, რომ ისინი მიიღებენ საუკეთესო გამოსავლებს. რაც შეეხება პრეპარატის უსაფრთხოებას, ჩვენ დარწმუნებულები ვართ პრეპარატის უსაფრთხოებაში, გამომდინარე იქიდან რომ პრეპარატს აქვს მიღებული “ეფდიაის” დადებითი მაჩვენებელი და ასევე ის არის შეტანილი ამერიკის ინფექციონისტთა ასოციაციის პროტოკოლში. შესაბამისად, ჩვენ პრეპარატის გამოყენების კუთხით ვიხელმძღვანელებთ ამ პროტოკოლით. მხოლოდ მინიმუმ 2 ექიმების გადაწყვეტილებაა საჭირო პრეპარატის მისაღებად. ჩვენ შევქმენით ის მექანიზმი, რომლითაც დარწმუნებულები ვართ, რომ თითოეული პაციენტი, რომელიც თანხმობის მიცემის შემთხვევაში მოიხმარს ამ პრეპარატს, მათთვის უზრუნველყოფილი იქნება ის უსაფრთხო გარემო და მონიტორინგი, რომელსაც საჭიროებს პრეპარატის მიღების შემდეგ თითოეული პაციენტი,” – განაცხადა ეკატერინე ტიკარაძემ.
