„რაღაც კლანებზე საუბარი აბსოლუტურად ზედმეტია. არავითარი კლანები პარტიაში არ არსებობენ. ოპოზიციურ პარტიებს სერიოზული პრობლემები აქვთ და ისინი ცდილობენ, აქცენტები ჩვენზე გადმოიტანონ. რაც შეეხება „ქართულ ოცნებას“, გუნდი არის ერთიანი და ასე გავაგრძელებთ მუშაობას”, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
„მადლობა მინდა გადავუხადო პარტიის პოლიტსაბჭოსა და თითოეულ დელეგატს. ყველაფერს გავაკეთებ, რომ ეს ნდობა გავამართლო. რა თქმა უნდა, გამოწვევა არის სერიოზული, თუმცა გუნდის ერთიანობით ყველა პრობლემის გადაჭრა შესაძლებელია. პანდემიას უკავშირდება არაერთი სირთულე, შესაბამისად, გუნდს მართებს ყოველდღიური მუშაობა, რათა ყველა გამოწვევა იყოს დაძლეული. როგორც პოლიტსაბჭომ, ისე ყრილობამ ჩემს კანდიდატურასთან დაკავშირებით ერთხმად მიიღო გადაწყვეტილება. გუნდში არის ძალიან მეგობრული ურთიერთობები. რაღაც კლანებზე საუბარი აბსოლუტურად ზედმეტია. არავითარი კლანები პარტიაში არ არსებობენ. ოპოზიციურ პარტიებს სერიოზული პრობლემები აქვთ და ისინი ცდილობენ, აქცენტები ჩვენზე გადმოიტანონ. რაც შეეხება „ქართულ ოცნებას“, გუნდი არის ერთიანი და ასე გავაგრძელებთ მუშაობას. თვითმმართველობის არჩევნები პრაქტიკულად კარს არის მომდგარი“, – განაცხადა კობახიძემ.
