„სტრატეგია აღმაშენებლის“ წევრი, სერგო ჩიხლაძე პირდაპირ ეთერში მამუკა ხაზარაძისა და ალეკო ელისაშვილის დაპირისპირებას ეხმაურება.
როგორც ჩიხლაძე ამბობს, ალეკო ელისაშვილი მისთვის საინტერესო აღარ არის.
„პირველ რიგში, გუშინ განვაცხადეთ, რომ ელისაშვილსა და მის პარტიაზე აღარ ვაკეთებთ კომენტარს. ეს ადამიანი ჩვენთვის საინტერესო აღარ არის არც პიროვნულად და არც მისი პოლიტიკური აქტივობაა საინტერესო. როგორც ჩანს, ის არ იზიარებს იმ პრინციპებს, რომლის გარშემოც ოპოზიციური პარტიები ვართ გაერთიანებული. მას შეუძლია, თავისი ცალკე გზა აირჩიოს. თუ ადამიანი არცერთ პრინციპს არ იზიარებს, შესაბამისად, ვერც იქნება ამ ოპოზიციის წევრი“, – განაცხადა სერგო ჩიხლაძემ.
ცნობისთვის, „ლელო საქართველოს“ ლიდერი მამუკა ხაზარაძე და „მოქალაქეების“ ლიდერი ალეკო ელისაშვილი პირდაპირ ეთერში ერთმანეთს დაუპირისპირდნენ.
