ასეთ კამათს არ ავყვებით. საპატრიარქოს პოზიცია დაფიქსირებულია, – ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა ანდრია ჯაღმაიძემ ივერი მელაშვილის გუშინდელ განცხადებასთან დაკავშირებით განაცხადა.
„ყველა განცხადებაზე პასუხის გაცემას არ ვაპირებთ. ასეთ კამათს არ ავყვებით. საპატრიარქოს პოზიცია დაფიქსირებულია. სახელმწიფო უნდა უზრუნველყოს ისე საზღვრის გავლება, რომ ჩვენი სიწმინდეები დარჩეს საზღვრის აქეთ. ეს არის საპატრიარქოს პოზიცია,“ – ანდრია ჯაღმაიძე.
ცნობისთის, გუშინ, ტელეკომპანია „პირველის“ ეთერში ივერი მელაშვილმა დავით გარეჯის შესახებ განაცხადა „როგორ არის შენი, როდესაც არ არის შენი. არ გაქვს ამის საფუძველი და ვიღაცის იქ უკაცრავად და ბერი იქნება თუ ერის წარმომადგენელი იქნება თუ ზოგი მივა და კელიებთან პოზირებას დაიწყებს, ამის გამო ეუბნები, რომ ჩემია. არ არის სწორი, არ არის შენი“.
