საქართველოში კორონავირუსი კიდევ 3 064 ადამიანს დაუდასტურდა, 3740 კი გამოჯანმრთელდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.
ამ დროისთვის ქვეყანაში კორონავირუსის 212 526 შემთხვევაა დადასტურებული. გამოჯანმრთელებულთა რაოდენობა 188 408-ს შეადგენს. გარდაიცვალა 2182 მოქალაქე.
კარანტინის რეჟიმშია 470 მოქალაქე, სტაციონარში მეთვალყურეობის ქვეშ – 6 358 პაციენტი. კოვიდ-სასტუმროში 1 671 ადამიანი იმყოფება.
ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა ამოქმედდა, 31 მარტიდან კი – საყოველთაო კარანტინის რეჟიმი.
