Edison Research -ი სოციალური გამოკითხვის შედეგებს ავრცელებს.

კვლევის მიხედვით საქართველოს მოსახლეობის ყველაზე მაღალი 90%-იანი ნდობა – ქართულ ჯარს აქვს.

მეორე ადგილზეა ეკლესია – 88%-ით, შემდეგ კი დაავადებათა კონტროლის ეროვნული ცენტრი, რომელსაც ნდობას გამოკითხულთა  79% უცხადებს.

ნდობის ყველაზე დაბალი მაჩვენებელი საქართველოს პრეზიდენტს აქვს – 59% ამბობს, რომ მას არ ენდობა.

54% არ ენდობა სასამართლოებს, ხოლო 51% არ ენდობა პარლამენტს.

ამავე გამოკითხვის მიხედვით, საქართველოს მოსახლეობის უმრავლესობა – 72% – ქვეყნის წინაშე მდგომ მნიშვნელოვან პრობლემად უმუშევრობას ასახელებს. 61% სიღარიბეს; 48% – მზარდ ფასებს; 26% – ოკუპირებულ ტერიტორიებს; 16% – ჯანდაცვას; ასევე 16% ასახელებს კორონავირუსს, როგორც მნიშვნელოვან პრობლემას.

ჩატარებული გამოკითხვის შედეგებით, საქართველოს მოსახლეობის 92% ენდობა NATO-სა და ევროკავშირს.

მხოლოდ 8-8% ამბობს, რომ ხსენებული გაერთიანებების მიმართ ნდობა არ აქვს.

საზოგადოებრივი აზრის გამოკითხვა ტელეკომპანია “ფორმულას” დაკვეთით კვლევითმა კომპანიამ Edison Research ჩაატარა. გამოკითხვა 23 ივნისი – 13 ივლისის პერიოდში, პირისპირ გამოკითხვის მეთოდით ჩატარდა. კვლევის ფარგლებში შემთხვევითი შერჩევით გამოიკითხა საქართველოში მცხოვრები 18 წლისა და მეტი ასაკის 2000 ადამიანი. შედეგების ცდომილება + – 2.1%-ია.