ინფექციური საავადმყოფოს დირექტორი, თენგიზ ცერცვაძე ქვეყანაში არსებულ ეპიდემიოლოგიურ მდგომარეობას ეხმაურება.
როგორც ცერცვაძე ამბობს, დღეს, საქართველო სრულად ვაქცინირებული ქვეყანა რომ იყოს, დღეში არა 70-80, არამედ 5-6 გარდაცვლილი გვეყოლებოდა.
„ის, რომ, ვაქცინაცია ამცირებს დრამატულად 20-30-ჯერ მძიმე შემთხვევების რაოდენობას, ამცირებს ჰოსპიტალიზაციას, ამცირებს რეანიმაციაში პაციენტის მოხვედრის რაოდენობას და დაახლოებით 80-90 პროცენტით ამცირებს სიკვდილიანობას, ეს დადასტურებულია და არანაირ განსჯას არ ექვემდებარება“, – განაცხადა თენგიზ ცერცვაძემ „ქრონიკასთან“ საუბრისას.
ცნობისთვის, 3 სექტემბერს საქართველოში კორონავირუსის 3 034 ახალი შემთხვევა დაფიქსირდა, ხოლო გარდაიცვალა 86 ადამიანი. დადებითობის დღიური მაჩვენებლი კი 8.34%-ია.
