ინფექციური საავადმყოფოს დირექტორის, თენგიზ ცერცვაძის განცხადებით, საქართველო იყო მეოთხე სახელმწიფო ევროპაში, რომელმაც ვაქცინა COVAX-პლატფორმით მიიღო. ამის შესახებ ცერცვაძემ „იმედის“ ეთერში საუბრისას განაცხდა.
ცერცვაძის თქმით, ვაქცინის დათქმულ თარიღზე ადრე შემოტანა ქვეყნის ხელმძღვანელობის კარგი მუშაობისა და საერთაშორისო პარტნიორების დახმარების დამსხურებაა.
„ვაქცინა შემოვიდა დათქმულზე ადრე, იმიტომ რომ ძალიან კარგად იმუშავეს ჩვენმა სამინისტრომ და ხელმძღვანელობამ. გვერდში დაგვიდგნენ ისეთი სერიოზული ფიგურები, როგორიც არის ჯანმოს ევროპული რეგიონული დირექტორი ჰანს კლუგე, რომელიც იყო ერთი თვის წინ საქართველოში, მოიხიბლა აქაური კოვიდსაწინააღმდეგო სამსახურით და თქვა: „ყველაფერს გავაკეთებ, ყველაფერში გვერდში დაგიდგებით“ და გააკეთა. პირადად ჩავიდა კლუგე COVAX-პლატფორმაზე და პირადად მან გამოგზავნა რიგგარეშე ეს პირველი პარტია. ასევე ვიცით, რომ დახმარება აღუთქვა პრემიერს თვით შარლ მიშელმა. ასეთი ხალხის დახმარებით შემოვიდა ვაქცინა“, – განაცხადა ცერცვაძემ.
შეგახსენებთ, რომ საქართველოში კორონავირუსის საწინააღმდეგო ვაქცინის (ასტრაზენეკა) 43 ათასი დოზა 13 მარტს შემოიტანეს.
ვაქცინაციისთვის რეგისტრაცია:
რეგისტრაციის პორტალი: https://booking.moh.gov.ge/
რეგისტრაციის ინსტრუქცია: https://fb.watch/4c2mI8hKtj/+
