ბოდბელმა ეპისკოპოსმა სიღნაღის თამარ მეფის სახელობის ეკლესიაში ქადაგებისას დავით გარეჯის თემაზე ისაუბრა.
„მინდა შევეხო გარეჯის თემას, ეროვნული მოძრაობა რომ იწყებოდა, 2012-შიც როცა სირთულე იყო, ხალხთან ერთად, რამდენიმე ეპისკოპოსი წავედით. დავდექით იქ და მაშინ დასტაბილურდა სიტუაცია. ახლაც რა მოხდა, ხო, ნახეს ის რუკა, რითაც უნდა იხელმძღვანელონ. მარტივად გეტყვით, თუ დღესდღეობით ერთ სანტიმეტრ მასშტაბში 500 მეტრი შედის, ეუბნებოდნენ რომ უფრო კარგი იყო და მაგაზეც იყო საზღვარი გატარებული, ერთ სანტიმეტრში 200 მეტრი იყო. 200 მეტრს უფრო ზუსტად გახაზავ, თუ 500-ს?
აღმოჩნდა, რომ რომელი რუკითაც იხელმძღვანელეს, ქედი იყო გაყოფილი, რაღაც მეტრები რჩებოდა. როდესაც პროფესიონალი ხარ და თანამდებობაზე ხარ, ყოველთვის უნდა შეგეძლოს იმის განსაზღვრა, რას რა მოყვება. როდესაც შენ ცალსახად ამბობ და იმ რუკას იყენებ, რომელიც იმ მიწას სადაოს არ ხდის და აქეთ არის საზღვარი, ჩემი ბრალია? ნახეთ ეს რუკა ჩამოიტანეს და სულ არ მაინტერესებს საიდან ჩამოიტანეს, მთავარია, რუკა იყოს სწორი და ყველამ მიიღოს.
მაგრამ სხვა რამის ეშინიათ ალბათ, ზუსტად ისე არ გავიდეს საზღვარი,როგორც ახალ რუკაზეაო. ზუსტად მაგის ეშინიათ, არ უნდათ, რომ რომელიმე ხელისუფლებამ გააკეთოს .. ეს რომ არ მოესწრება, დღევანდელი ხელისუფლება ვინც არის, ეს ხო ცხადია. იმიტომ რომ ახალი პარლამენტი იქნება და გინდაც რუკა გქონდეს, მოლაპარაკებები სჭირდება. 24 წელი გრძელდებოდა, ხო? უბრალოდ, სასიხარულოა, რომ როდესღაც წესიერი რუკა ვნახეთ.
ამ დროს ატეხილია ამბავი, ხან მამაოს გადაწვდებიან და ნეტავ რომელიმე იყოს მამაოსავით პატიოსანი ადამიანი. მამაოს გამო, არავინ არის დაჭერილი, ყველა თავის საქციელზე აგებს პასუხს და პროკურატურა არ არის საჭირო, ხელისუფლება არ არის საჭირო.? უდანაშაულობის პრეზუმცია არ უნდა დავარღვიოთ, მოღალატე არ უნდა ვუძახოთ, გამოჩნდება, მალე გამოჩნდება, შეგნებულად კეთდებოდა რაღაცა, თუ რის გამო კეთდებოდა. ისეთი უგულობა, იმ დღესაც აღვნიშნე, იმ დღეს რომ შევხვდით, მრავალი ქვეყნის ელჩს და ჟურნალისტებიც მეკითხებოდნენ, რაც გააკეთეს იმათმა.
კომისია რასაც აკეთებდა, ეს არის უგულობა. როცა არ შეგიძლია გაკეთება, წადი რა, გვერდზე გადი და ნუ იქნები იმ საქმეში, რაც შენი საქმე არ არის. არ დააბრალო, რომ ხელმძღვანელი მყავდა და ვინმე მყავდა. მე თუ რამეს ვერ გავაკეთებ, ჩემი ბრალი იქნება., მე თუ თანამდებობა მექნება და ვერ გავაკეთებ, ჩემი ბრალი იქნება. როდესაც საკითხებია- ხოლმე, საპატრიარქოში, მე ჩემ აზრს ვაფიქსირებ და ჩვენთან სრული თავისუფლებაა აზრის გამოთქმის, სხვათა შორის.
ოღონდ ეკლესიას აგინონ, იმასაც ამბობენ, რომ რუკა იპოვეს და ეკლესია და სახელმწიფო თითქოს რაღაცაზე შევთანხმდით, რაკი რუკა იპოვეს, მხარი უნდა დავუჭიროთ. ეს არის მხოლოდ რუკა, მადლობა რომ რუკა გამოჩნდა, მაგრამ ეგ ის თემა არ არის. გარეჯს რომ ვინმე აბრუნებდეს, იმის მხარეს დავდგებოდი, აფხაზეთი რომ ვინმემ დაგვიბრუნოს, იმის მხარეს დავდგები, მაგრამ რუკის გამო, არსად არ დავდგები.სასიხარულოა, რუკა რომ არის. ორივე მხარემ უნდა მიიღოს ის, რომ ამ რუკით იხელმძღვანელოს.
ალბათ, მერე უნდა დასხდნენ და ისედაც ვიცი, აზერბაიჯანელების განწყობა. ძაბავენ კიდე სიტუაციას. მოვა დრო, ჩვენი ორივე მხარე დაჯდება და ორივე მხარისთვის დადებითად გადაწყდება. ქართველებიც გავიხარებთ და აზერბაიჯანელებიც გაიხარებენ. ტყუილად ძაბავენ ვითარებას, არაფერი არ არის, თორემ აზერბაიჯანის მხარე განაცხადებდა, არ გაუჭირდებოდა ამის თქმა. დაჭერილი ადამიანიც რომ სიმპათიის მიხედვით დაასახელო, რომ არ რის დამნაშავე, ბევრი ადამიანია დაჭერილი, ერთ რამეზე შევთანხმდეთ, ამნისტია შედგეს, დიდი ამნისტია, გამოვიდნენ და ოჯახები გაახარონ.თითოეულ კაცს რო დასდევენ, იმისათვის, რომ პოლიტიკური სარჩული დაუდონ, ეს ძალიან ცუდია.” – ამბობს მეუფე იაკობი.
