სტატისტიკის ეროვნული სამსახურის ცნობით, საქართველოს ტერიტორიაზე ადგილობრივი ვიზიტორების საშუალო თვიური რაოდენობა 430.2 ათასით განისაზღვრა, რაც წინა წლის შესაბამის პერიოდთან შედარებით, 8.6 პროცენტით ნაკლებია.
ამასთან საქსტატის მონაცემების მიხედვით, 2020 წლის პირველ კვარტალში საქართველოს ტერიტორიაზე 15 წლის და უფროსი ასაკის
ადგილობრივი ვიზიტორების საშუალო თვიური რაოდენობა 887.2 ათასით განისაზღვრა, რომლებმაც ქვეყნის ტერიტორიაზე 1.0 მილიონი ვიზიტი განახორციელეს.
აღნიშნულ პერიოდში ვიზიტორების რაოდენობა 3.4 პროცენტით ნაკლებია 2019 წლის პირველი კვარტალის შესაბამის მონაცემებზე
საქსტატის ცნობით, 2020 წლის პირველ კვარტალში ვიზიტების უმრავლესობა (53.5 პროცენტი) განხორციელდა მეგობრების/ნათესავების მონახულების მიზნით.
ასევე, ყველაზე მეტი ვიზიტი განხორციელდა ქ. თბილისში (საშუალოდ 305.1 ათასი ვიზიტი თვეში) და იმერეთის რეგიონში (საშუალოდ 178.5 ათასი ვიზიტი თვეში).
უწყების ცნობით, 2020 წლის პირველ კვარტალში განხორციელებული ვიზიტებისას გაწეული საშუალო თვიური ხარჯების მოცულობა განისაზღვრა 127.2 მილიონი ლარით, რაც 4.5 პროცენტით მეტია გასული წლის შესაბამისი პერიოდის მაჩვენებელთან შედარებით.
