2020 წლის 31 ოქტომბრის საქართველოს პარლამენტის არჩევნებზე 2020 წლის 1 ნოემბრის მდგომარეობით გაწეული საკასო ხარჯი შეადგენს 26 330 890 ლარს.
ამის შესახებ ცენტრალური საარჩევნო კომისიის ინფორმაციაშია აღნიშნული, რომელიც „პრაიმტაიმნიუსმა“ გამოითხოვა.
ამასთან, 2020 წლის საპარლამენტო არჩევნებისთვის უბნების მოსაწყობად საოლქო საარჩევნო კომისიების მიერ ქვეყნის მასშტაბით დაქირავებულ იქნა სულ 17 სკოლის/უნივერსიტეტის ფართი, რისთვისაც ბიუჯეტიდან 11 750 დაიხარჯა.
ხვალ 21 ნოემბერს საპარლამენტო არჩევნების მეორე ტური ტარდება, რაც გულისხმობას იმას, რომ არჩევნების ჩასატარებლად გაწუელი ხარჯი გაიზრდება.
მთავრობის მიერ მიღებული დადგენილების მიხედვით, წელს საარჩევნო ადმინისტრაციის დაფინანსება 42 760 652 ლარით განისაზღვრა. აღნიშნული თანხა შემდეგნაირად ნაწილდება:
შრომის ანაზღაურება – 19 531 295 ლარი
საარჩევნო სუბიექტის წარმომადგენელთა დაფინანსება – 7 238 050 ლარი
საარჩევნო სუბიექტების სატელევიზიო რეკლამის განთავსების ხარჯი კი – 2 111 674 ლარი.
