მსოფლიო ჯანდაცვის ორგანიზაციის ინფორმაციით, ბოლო 24 საათში COVID-19-ის შემთხვევათა რიცხვმა რეკორდული რაოდენობით მოიმატა.
მათივე ცნობით, უკანასკნელი დღე-ღამის განმავლობაში, მთელი მსოფლიოს მასშტაბით კორონავირუსის 284 196 ახალი შემთხვევა დაფიქსირდა.
მათ შორის ყველაზე მეტი, 67 641 შემთხვევა აშშ-ში გამოვლინდა, 67 860 ბრაზილიაში, 49 310 კი ინდოეთში.
აქამდე, რეკორდული მაჩვენებელი 18 ივლისს ეკუთვნოდა, რა დროსაც მთელი დღე-ღამის განმავლობაში კორონავირუსით ინფიცირების 259 848 შემთხვევა დაფიქსირდა.
ბოლო მონაცემებით, მთელი მსოფლიოს მასშტაბით საერთო ჯამში COVID-19-ით დაინფიცირების 15 845 878 შემთხვევაა დაფიქსირებული. მათ შორის 9 597 763 პაციენტი გამოჯანმრთელდა, 640 993 ადამიანი კი გარდაიცვალა.
