31 აგვისტოდან მოლდოვა საქართველოს მოქალაქეებს საზღვრებს გაუხსნის. ინფორმაცია ამის შესახებ ადგილობრივი მედია ავრცელებს.
საქართველოსთან ერთად, მწვანე ქვეყნების სიაში მოხვდნენ ის სახელმწიფოები, სადაც 100 ათას მოსახლეზე 50-ზე ნაკლები ინფიცირებულია.
მოლდოვის მთავრობის გადაწყვეტილებით, „წითელი ქვეყნების“ სიაში კვლავ რჩებიან უკრაინა, რუმინეთი, აშშ, ესპანეთი, ისრაელი, სომხეთი და საფრანგეთი. საერთო ჯამში, „წითელი ქვეყნების“ სიაში 53 სახელმწიფოა და მათ მოქალაქეებს მოლდოვაში ჩასვლისას 14-დღიანი კარანტინის გავლა მოუწევთ.
