კორონავირუსის 87 შემთხვევიდან, 10-ის ინფიცირების წყარო უცნობია. ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა.
მისი თქმით, ამ დროისთვის კოვიდ ცენტრებში სულ 536 პაციენტი მკურნალობს.
29 არის ბათუმის შემთხვევა, 24 გახლავთ ქუთაისის სკოლის შემთხვევა. 12 პაციენტი არის დადასტურებულ შემთხვევებთან კონტაქტები. 5 შემთხვევა არის მოგზაურობის ისტორია აჭარაში. 4 არის შემოტანილი შემთხვევა. 3 შემთხვევა რის სამედიცინო პერსონალი და 10 შემთხვევაზე მიმდინარეობს ეპიდკვლევა“,- აცხადებს ეზუგბაია.
ცნობისთვის, დღეს ქვეყანაში კორონავირუსის რეკორდული მაჩვენებელი, 87 შემთხვევა გამოვლინდა. ამჟამად ინფიცირებულთა რაოდენობა 1917-ს შეადგენს, აქედან გამოჯანრმთელებულია 1354 ადამიანი.
