„თუ პანდემიამ რამე გვასწავლა, ეს ჩვენი სისუსტის დემონსტრირებაა“, – ამის შესახებ „გაეროს“ გენერალურმა მდივანმა, ანტონიო გუტერეშმა განაცხადა. ინფორმაციას ამის შესახებ Npr.org-ი ავრცელებს.
„იმან, რისი დანახვაც მხოლოდ მიკროსკოპით შეიძლება, მუხლებზე დაგვაჩოქა. ამ თავმდაბლობამ ჩვენ სოლიდარობისა და გაერთიანებისკენ უნდა გვიბიძგოს“,- განაცხადა გუტიარეშმა.
თუმცა, როგორ მან აღნიშნა, მიუხედავად ამ ყველაფრისა, პანდემიასთან ბრძოლის სტრატეგიაში საერთო ხედვის შემუშავება ვერ მოხერხდა.
„ყველა ქვეყანა პანდემიას თავისებურად ებრძოდა. ვირუსის ეპიცენტი კი ქვეყნიდან ქვეყანაში გადადიოდა“,- აღნიშნა გუტერეშმა.
მისი თქმით, აშშ-სა და რუსეთს, აშშ-სა და ჩინეთს შორის არსებული დისფუნქციური ურთიერთობა, ხელს უშლის უშიშროების საბჭოს რაიმე მნიშვნელოვანი გადაწყვეტილება მიიღოს, რომელიც COVID-19-ის წინააღმდეგ საბრძოლველად ეფექტური იქნება.
