აშშ-ის პრეზიდენტი დონალდ ტრამპი აცხადებს, რომ თუკი ეროვნული უსაფრთხოების ყოფილი მრჩეველი ჯონ ბოლტონი თავის წიგნს გამოაქვეყნებს, ამით კანონს დაარღვევს და სისხლის სამართლებრივი პასუხისმგებლობა დაეკისრება. ინფორმაციას abcnews-ი ავრცელებს.
„მე ჩემს, როგორც პრეზიდენტის, ყველა დიალოგს საიდუმლოდ მივიჩნევ. ეს კი იმას ნიშნავს, რომ ბოლტონი წიგნის გამოქვეყნებით კანონს დაარღვევს. ამ შემთხვევაში, მას სამართლებრივი პრობლემები შეექმნება და სასამართლოს წინაშე აღმოჩნდება“, – განაცხადა ტრამპმა.
ჯონ ბოლტონის წიგნში „ოთახი, სადაც ეს მოხდა – თეთრი სახლის მემუარები“ აღწერილია მისი დონალდ ტრამპთან მუშაობის პერიოდი.
გამომცემლობა Simon & Schuster-ის ინფორმაციით, წიგნი შეიცავს ინფორმაციას ტრამპის „არათანმიმდევრული გადაწყვეტილების მიღების პროცესის შესახებ“ და ეს არის წიგნი, „რომლის წაკითხვაც ტრამპს არ სურს“.
