ოპოზიციაში სკეპტიკურად უყურებენ მოსაზრებას, რომ პროპორციული სიაში „ქართული ოცნება“ ახალ სახეებს შეიყვანს. როგორც “რესპუბლიკური პარტიის” ერთ-ერთმა ლიდერმა “პრაიმტაიმნიუსთან” განაცხადა, მმართველმა პარტიამ ახალი სახეების წარდგენის რესურსი დაკარგა.
„ქართული ოცნება“ გვპირდება, რომ მის პროპორციულ სიაში ახალი სახეები იქნებიან, ამაში მე ეჭვი მეპარება. მმართველმა პარტიამ ახალი სახეების წარდგენის პოტენციალი უკვე დაკარგა.
თუ ვინმე „ქართულ ოცნებაში“ რამეს წარმოადგენდა, ამ პარტიიდან ყველა წავიდა. თუ „ოცნებაში“ ვინმე რამეს არ წარმოადგენდა, ყველა დაწინაურდა. „ქართული ოცნება“ არის ის ერთეული, რომლის წევრები ხალხს დასდევენ და იარაღით ესვრიან. ეს არის მკოიანების პარტია. ეს არის ირაკლი კობახიძეების წინ წამომწევი პარტია, ადამიანისა, რომელიც საქართველოს სირცხვილია“,- განაცხადა ბერძენიშვილმა.
კითხვაზე, როგორ შეაფასებდა ბერძენიშვილი „ქართული ოცნების“ მიერ წარდგენილ მაჟორიტარობის კანდიდატებს? ოპოზიციის ერთ-ერთი წარმომადგენელი გვპასუხობს:
„ეს არის ძალიან სამარცხვინო სია. მე არ ველოდი ამას მმართველი პარტიის მხრიდან. ეს არის აბსოლუტურად ძველი სიახლეებით დაკომპლექტებული სია, რომელშიც მმართველ პარტიას არც ერთი ახალი სახე წარმოდგენილი არ ჰყავს. ამდენ ადამიანში ერთადერთი ქალია, რომელიც ძალიან სუსტია. თან, მინდა გითხრათ, რომ არანაირი განსაკუთრებული ელვარება ამ სიას არა აქვს, იმ თვალსაზრისით, რომ მასში წარმოდგენილი კანდიდატები არჩევნებში აუცილებლად გაიმარჯვებენ.
ამ ადამიანის წარდგენა არის მათი მხრიდან გადადგმული ერთ-ერთი სუსტი ნაბიჯი. ხომ არ შეიძლება ადამიანი, რომელმაც მერად ვერ ივარგა, კარგი პარლამენტარი იყოს. ყველა ერთმანეთზე უარესია“,-განაცხადა ბერძენიშვილმა.
ინფორმაციისთვის, რამდენიმე კვირის წინ „ქართულმა ოცნებამ“ მაჟორიტარობის კანდიდატები წარადგინა და წინასაარჩევნო კამპანია ოფიციალურად გახსნილად გამოაცხადა.
იმ შემთხვევაში, თუ კორონავირუსის პანდემიამ დღის წესრიგი არ შეცვალა, საპარლამენტო არჩევნები 2020 წლის 31 ოქტომბერს გაიმართება. არჩევნების შემდეგ, პარლამენტი 30 მაჟორიტარით და 120 – პროპორციულ სიაში შესული შესული დეპუტატით დაკომპლექტდება.
ავტორი: ეკატერინე ზარნაძე
