„ქართული ოცნების“ ლიდერი ბიძინა ივანიშვილი გუშინ შატილში დატრიალებულ ტრაგედიას ეხმაურება.
„შემძრა შატილში დატრიალებულმა ტრაგედიამ. განუზომელია ჩვენი მოქალაქეების დაღუპვით გამოწვეული მწუხარება და ტკივილი.
ვუსამძიმრებ დაღუპულების ოჯახებს და მთელ საქართველოს“, – ნათქვამია ივანიშვილის განცხადებაში.
შეგახსენებთ, რომ შატილის გზაზე ავტოკატასტროფას 17 ადამიანის სიცოცხლე ემსხვერპლა. სამი მგზავრი კი დაშავდა. ექიმების თქმით, სამივე მათგანის მდგომარეობა უკიდურესად მძიმეა.
