საქართველოს ყოფილი პრემიერ-მინისტრი, ბიძინა ივანიშვილი საარჩევნო უბანზე ხმის მისაცემად მივიდა. ივანიშვილი უბანზე მეუღლესთან, ეკატერინე ხვედელიძესთან ერთად მივიდა. მან საკუთარი არჩევანი გააკეთა.
ბიძინა ივანიშვილს მედიასთან კომენტარი არ გაუკეთებია.
დღეს, 2 ოქტომბრს საქართველოში ადგილობრივი თვითმართველობის არჩევნებია. ამომრჩევლები ქვეყნის მასშტაბით 64 მერს და ასევე, 64 საკრებულოს 2 068 წევრს აირჩევენ, როგორც პროპორციული, ისე მაჟორიტარული წესით.
მერის არჩევნებში გამარჯვებულად გამოცხადდება კანდიდატი, რომელიც არჩევნებში ამომრჩეველთა ხმების 50%-ზე მეტს მიიღებს. თუ კონკრეტულ მუნიციპალიტეტში ვერცერთმა კანდიდატმა ეს ნიშნული ვერ გადალახა, არჩევნების მეორე ტური დაინიშნება.
