ექსპრეზიდენტ მიხეილ სააკაშვილის განცხადებები უკვე „ანეკდოტს“ ემსგავსება, ნაციონალური მოძრაობა კი ცდილობს ქვეყანა კვლავ “წარსულ მოგონებებში” ჩაითრიოს,-ასე ეხმიანება პრემიერმინისტრობის კანდიდატად სააკაშვილის წარდგენას ეკონომიკის მინისტრი ნათია თურნავა.
„იმასაც გეტყვით ახლა, რა თქმა უნდა, ნახევრად ხუმრობით, რომ პანდემიაა, მთელი მსოფლიო გადავიდა დისტანციურ რეჟიმზე მუშაობის, გამიგია მე დისტანციური მუშაობა, გამიგია დისტანიცური სწავლება, მაგრამ დისტანციური პრემიერობის კანდიდატობა ეს რაღაცა ნაციონალების ნოუ-ჰაუა“,- აცხადებს თურნავა.
მიხეილ სააკაშვილის პრემიერ მინისტრობის კანდიდატად წარდგენას და მის გუშინდელ გამოსვლას რადიო “პალიტრას” ეთერში “გირჩის” ლიდერი და დიდუბე-ჩუღურეთის მაჟორიტარობის კანდიდატი, ზურაბ ჯაფარიძე გამოეხმაურა.
„გირჩის“ ლიდერი ზურა ჯაფარიძე აცხადებს, რომ სააკაშვილს აქვს მცდელობა დაანახოს ოპოზიციას, რომ მას არ სჭირდება სრული ძალაუფლება.
ნაციონალურმა მოძრაობამ სააკაშვილი 7 სექტემბერს პრემიერობის კანდიდატად დაასახელა.
