პოლიტიკის ექსპერტი გია ხუხაშვილი სოციალურ ქსელში პლებისციტის შესაძლო ჩატარებასთან დაკავშირებით, პოსტს აქვეყნებს, რომელსაც “პრაიმტაიმნიუსი” უცვლელად გთავაზობთ:
„არჩევნების გაყალბება-არგაყალბების თემა არა რწმენის და პოლიტიკური გემოვნების, არამედ რაციონალური მტკიცებულებების, ერთგვარი “საბრალდებო დასკვნის” შექმნის საკითხია. ამიტომ არ ვარგა პლებისციტის იდეა, რომელიც ვერ გამოდგება არჩევნების გაყალბების მტკიცებულებად.
ხელისუფლება რომც დათანხმდეს პლებისციტზე, ყოველთვის ექნება სათქმელი, რომ ამ შუალედში განწყობა შეიცვალა. არა ერთი ფაქტის მოყვანა შეიძლება ევროპული გამოცდილებიდან, როდესაც ლიდერის რეიტინგი რამდენიმე თვეში განახევრდა, მაგრამ ეს არ გამხდარა რიგგარეშე არჩევნების საფუძველი. ამიტომ იყო სწორი გზა საგამოძიებო კომისია, რომელიც ამ დასკვნას დაწერდა. და თუ ვერ დაწერდა, მაშინ საერთოდ რაზე შეიძლება გქონდეთ პრეტენზია?!”,- წერს ხუხაშვილი.
