როცა არ უნდა გაკეთებულიყო ეს ჩანაწერი, 2010 წელსაც იყო ამ საუბრის ჩაწერა დანაშაული და ახლაც, – ამის შესახებ საქართველოს ახალგაზრდა იურისტთა ასოციაციის თავმჯდომარე ნიკა სიმონიშვილმა განაცხადა.
„ადამიანის იძულება, ძალადობა და მუქარა 2010-შიც დანაშაული იყო და მას შემდეგაც, უფლებამოსილების გადამეტება მაშინაც და ახლაც დანაშაულია. როდისაა საუბარი ჩაწერილი, ამას შესაძლოა ის მნიშვნელობა ჰქონდეს, რომ გამოიკვეთოს სავარაუდო დამნაშავეები, თუ ვის მიერ შეიძლება იყოს გაკეთებული ეს ჩანაწერები, თუმცა, იმ დანაშაულებთან მიმართებით, ამას შესაძლოა, დიდი მნიშვნელობა არ ჰქონდეს”, – განაცხადა სიმონიშვილმა.
ცნობისთვის, “ტვ პირველის” ინფორმაციით, მათ მოიპოვეს ფარული აუდიოჩანაწერი, რომელშიც მათივე მტკიცებით, ბერა ივანიშვილი ირაკლი ღარიბაშვილთან ერთად არასასურველი კომენტარების გამო, რამდენიმე პირის, დასჯას უკვეთავს.
