შინაგან საქმეთა სამინისტრო რაგბის კავშირის პრეზიდენტის საარჩევნო ყრილობასთან დაკავშირებით განცხადებას ავრცელებს.
როგროც განცხადებაშია ნათქვამი, შსს ყველა უკანონო ქმედებას დაუყონებლივ აღკვეთავს.
„დღეს, 13:00 საათზე, თბილისში, რაგბის კავშირის პრეზიდენტის საარჩევნო ყრილობა იმართება.
შინაგან საქმეთა სამინისტრო რაგბის კავშირის პრეზიდენტის არჩევნებში მონაწილე და დაინტერესებულ ყველა მხარეს მოუწოდებს, უზრუნველყონ საარჩევნო ყრილობის მშვიდ გარემოში ჩატარება, დაიცვან საზოგადოებრივი წესრიგი და თავი შეიკავონ პროვოკაციული ქმედებებისგან.
სამართალდარღვევის ნებისმიერი ფაქტი პოლიციის მიერ, კანონის ფარგლებში, დაუყოვნებლივ იქნება აღკვეთილი“,- ნათქვამია განცხადებაში.
