საგანგებო სიტუაციების კოორდინაციისა და გადაუდებელი დახმარების ცენტრი მედიაში გავრცელებულ ინფორმაციას ეხმიანება, თითქოს ქუთაისში სასწრაფო დახმარების ეკიპაჟმა დააგვიანა, რის გამოც ადამიანი გარდაიცვალა.
„საგანგებო სიტუაციების კოორდინაციისა და გადაუდებელი დახმარების ცენტრში გამოძახება 24 მარტს, 17:10 საათზე შევიდა, სასწრაფო დახმარების ეკიპაჟი გამოძახების ადგილას 8 წუთში, 17:18 საათზე მივიდა, თუმცა ადგილზე მისულ სასწრაფო დახმარების ეკიპაჟს 73 წლის ქალბატონი გარდაცვლილი დახვდა,”- აცხადებენ უწყებაში.
ცნობისთვის, ქუთაისში, სასტუმრო „თბილისში“ მცხოვრები მოქალაქეების თმით, მათ 112-ზე რამდენჯერმე დარეკეს, თუმცა სასწრაფო სამედიცინო დახმარების ჯგუფი მხოლოდ 45 წუთის დაგვიანებით მივიდა.
