დიდ ბრიტანეთში ჩატარებული კვლევის, The Com-Cov-ის მიხედვით, კორონავირუსის სხვადასხვა ვაქცინის შერევა, ვირუსის წინააღმდეგ ეფექტურ დაცვას უზრუნველყოფს.
ინფორმაციას ამის შესახებ BBC-ი ავრცელებს.
კვლევის განმავლობაში მეცნიერებმა ერთმანეთს სხვადასხვა ვაქცინა შეურიეს. მაგალითად, თუ ადამიანი თავიდან AstraZeneca -ით აიცრებოდა, მეორე დოზაზე იმუნიზაციისთვის სხვა ვაქცინას იყენებდნენ. კვლევაში მონაწილეობას 850 მოხალისე იღებდა. მათი ასაკი 50 წელს და მის ზემოთ მერყეობდა.
The Com-Cov-მა დაადგინა, რომ ვაქცინების კომბინაცია ადამიანის ორგანიზმში კორონავირუსის საწინააღმდეგო ძლიერ იმუნიტეტს წარმოქმნის:
- პირველი დოზა (AstraZeneca), მეორე დოზა (Pfizer-ი) – ორგანიზმში უფრო დიდი რაოდეობით ანტისხეულების გამომუშავებას უწყობს ხელს.
- ამ ორი ვაქცინის შერევამ ბევრად უფრო ეფექტურია დაცვა უზრუნველყო, ვიდრე AstraZeneca-ს ორმა დოზამ
„დოზების შერევამ შეიძლება კიდევ უფრო მეტი მოქნილობა მოგვცეს იმუნიტეტის გამაძლიერებელი პროგრამისთვის, ასევე მხარი დაუჭიროს იმ ქვეყნებს, რომლებსაც შემდგომი ნაბიჯი აქვთ გადასადგმელი ვაქცინაციის კამპანიაში და რომლებიც, შესაძლოა, მიწოდების სირთულეებს განიცდიან“, – განაცხადა დიდი ბრიტანეთის მთავარი ექიმის მოადგილემ, პროფესორმა ჯონათან ვან-ტამმა.
აღსანიშნავია, რომ ზოგიერთი ქვეყანა უკვე იყენებს შერეულ დოზებს. ესპანეთი და გერმანია Pfizer-ის ან Moderna-ს ვაქცინებს სთავაზობენ როგორც მეორე დოზას იმ ახალგაზრდებს, რომლებმაც უკვე მიიღეს AstraZeneca-ს ვაქცინის პირველი დოზა.
