მიკროსაფინანსო ორგანიზაცია „კრისტალის” ახალციხის ფილიალის თანამშრომელს კორონავირუსი დაუდასტურდა. ინფიცირებულმა ტემპერატურის მატების გამო COVID 19-ზე გამოკვლევა ჩაიტარა, ტესტის პასუხი კი დადებითი აღმოჩნდა.

მიკროსაფინანსო ორგანიზაციის პრესსამსახურში ამბობენ, რომ „ინფიცირებული პირი 17 ოქტომბრიდან, სიმპტომების გამოვლენისთანავე თვითიზოლაციაში იმყოფებოდა. მოკვლეულია კონტაქტები თანამშომლებს შორის და ისინიც იზოლაციაში რჩებიან. შესაბამისად, ფილიალის მუშაობის დისტანციურ რეჟიმზე გადასვლის საჭიროება არ არსებობს და „კრისტალი” მუშაობას რეკომენდაციების დაცვით აგრძელებს, – აცხადებს ორგანიზაციის წარმომადგენელი.

ახალციხეში კორონავირუსი დაუდასტურდა „კრედოს” თანამშრომელსაც.