ახმეტის მუნიციპალიტეტის სოფელ ომალოში, სასმელი წყლის ონკანში ქვეწარმავალი გაიჭედა.
ადგილობრივების ინფორმაციით, სასმელ წყალში ქვეწარმავლებისა და მღრღნელების აღმოჩენის შემთხვევა პირველი არ არის.
„სოფელ ომალოს აქვს ოთხი სათავე ნაგებობა, ოთხივე დაუცველია. ერთი ამღვრეულია, მეორეში, მღრღნელებია, ვირთხაც გვინახავს, მათ შორის. წყალს ხვლიკიც მოჰყოლია, მაგრამ ასეთი რამ პირველად მოხდა. წყალი შეწყდა, ონკანი მოხსნეს და შიგ გველი ნახეს. წარმოუდგენელი ამბავია“, – განაცხადა „პრაიმტაიმთან“ რამზან გორგიშვილმა.
რას უკავშირდება ეს შემთხვევა, ან დაგეგმილია თუ არა, ომალოს სასმელი წყლის კომუნიკაციების მოწესრიგება, „პრაიმტაიმი“ ახმეტის მუნიციპალიტეტის მერიაში ცდილობს გარკვევას.
ავტორი: ხათუნა გულიაშვილი.
