საქართველო ამერიკის ძლიერი მოკავშირეა, რომელმაც დაამტკიცა, რომ ეკონომიკური თავისუფლების ზრდას შედეგად განვითარება და ინვესტიციები მოაქვს,- ამის შესახებ ამერიკელი კონგრესმენი ალექს მუნი twitter-ზე წერს.
მისი განცხადებით, საქართველო ყოფილი საბჭოთა ბლოკის ქვეყანაა, რომელიც ახლა, თავისუფალი ბაზრის რეფორმების გატარების შემდეგ, ეკონომიკური განვითარების პროცესშია.
კონგრესმენი საინვესტიციო კლიმატთან დაკავშირებით, სახელმწიფო დეპარტამენტის ყოველწლიურ განცხადებასაც გამოეხმაურა: „ვამაყობდი, როდესაც საქართველოს მაღალი შეფასებები ვნახე, იმ ქვეყნის, სადაც მოგზაურობა ამერიკის კონგრესის წარმომადგენელთა პალატის ფინანსური სერვისების კომიტეტში მოღვაწეობის ფარგლებში მომიხდა“, – წერს ალექს მუნი.
