„პარლამენტში პრემიერ-მინისტრის გამოსვლა ძალიან შთამბეჭდავი იყო”, – ამის შესახებ საპარლამენტო უმრავლესობის წევრმა ალუდა ღუდუშაურმა განაცხადა.
„პარლამენტში პრემიერ-მინისტრის გამოსვლა ძალიან შთამბეჭდავი იყო. ვფიქრობ, მის ანგარიშში ყველა იმ გამოწვევაზე იყო პასუხი, რაც ჩვენს ქვეყანას აქვს. რაც შეეხება ოპოზიციის განცხადებებს, ვფიქრობ, ნათელი იყო და ყველამ დაინახა, რომ ოპოზიცია აქაც მასკარადის მოწყობას შეეცადა. ძალიან სამწუხაროა, რომ საქმიანი და საგნობრივი დისკუსიის ნაცვლად, ოპოზიციამ კვლავ შოუს მოწყობა შემოგვთავაზა“, – განაცხადა ალუდა ღუდუშაურმა.
ცნობისთვის, 25 ივნისს პრემიერ-მინისტრმა ირაკლი ღარიბაშვილმა პარლამენტში ანგარიში წარადგინა.
პარლამენტში პრემიერის ანგარიშზე პოლიტიკური დებატები დღეს გაგრძელდება.
