„ამ წელიწად-ნახევრის განმავლობაში ერთი თეთრის სარგებელი არ მიმიღია არანაირ ფორმით. შეხებაც არ მქონია სიმბოლურად“,- ამის შესახებ ინფექციური საავადმყოფოს დირექტორმა, თენგიზ ცერცვაძემ „რუსთავი 2“-ის ეთერში, ზურაბ ჯაფარიძესთან დებატების დროს განაცხადა.
როგორც ცერცვაძე ამბობს, მისი ყველა განცხადება სწორი იყო.
„მე ვარ კლინიცისტი და ჩემი ფუნქცია არის მკაფიოდ შემოსაზღვრული. მეც და მთელმა კლინიკურმა გუნდმა თავი გაართვა ყველაფერს კარგად. რაც შეეხება იმას, რომ ყველაფერი შეჭამეს. აქაც ვამბობ, ამ წელიწად-ნახევრის განმავლობაში ერთი თეთრის სარგებელი არ მიმიღია არანაირ ფორმით. შეხებაც არ მქონია სიმბოლურად. დამიმტკიცეთ საწინააღმდეგო. მე არ ვარ არც ერთი საბჭოს წევრი არანაირი შეხება შეზღუდვებთან არ მქონია. როგორც ექიმი და მოქალაქე მოსაზრებებს გამოვთქვამდი.
ყველა განცხადება მე მიმაჩნია, რომ იყო სწორი. თუ ის არ გამოდგა სწორი, არ მგონია ამისთვის ვინმე დასაჭერი იყოს. ეს განცხადებები არასდროს ყოფილა რადიკალური, იყო ზომიერი და რბილი. რაც მე ვთქვი, იმ განცხადებებს აკეთებდა ყველა“,- განაცხადა თენგიზ ცერცვაძემ.
