ამერიკის საელჩო მაიკ პომპეოსა და საქართველოს პრეზიდენტის შეხვედრის შესახებ ინფორმაციას ავრცელებს.
„სახელმწიფო მდივან პომპეოსთვის სასიამოვნო იყო პრეზიდენტ ზურაბიშვილთან შეხვედრა ორბელიანის ისტორიულ სასახლეში, სადაც ადრე აშშ-ის საელჩო იყო განთავსებული. შეხვედრაზე სახელმწიფო მდივანმა შეერთებული შტატების სახელით საქართველოს სუვერენიტეტისა და ტერიტორიული მთლიანობისადმი ერთგულება დაადასტურა და გლობალური ტერორიზმის წინააღმდეგ ბრძოლაში შეტანილი მნიშვნელოვანი წვლილისთვის ქვეყნის მიმართ პატივისცემა გამოხატა“,- ნათქვამია გავრცელებულ ინფორმაციაში.
ცნობისთვის, აშშ-ის სახელმწიფო მდივანი, მაიკ პომპეო პრეზიდენტს უკვე შეხვდა. იგი ასევე უნდა შეხვდეს საქართველოს პრემიერ-მინისტრის, საგარეო საქმეთა მინისტრს, პატრიარქსა და არასამთავრობო ორგანიზაციების წარმომადგენლებს.
