ჩვენ ახლა გავდივართ პიკს და გარკვეულწილად ვართ პიკის დაღმავალ ფერდზე, ანუ თანდათან შეიძლება ითქვას, რომ ეპიდემიოლოგიური მდგომარეობა უმჯობესდება, – ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა.
„სამწუხაროდ, ერთ-ერთი ყველაზე ძლიერი და ყველაზე სერიოზული ინდიკატორი, როგორიც არის სიკვდილიანობა, ჯერჯერობით მაღალ ნიშნულზეა. მოგეხსენებათ, სიკვდილიანობა 2-3 კვირით მიყვება ეპიდსიტუაციის პიკს, ანუ იზრდება სიკვდილიანობა სწორედ პიკური პერიოდიდან 2 კვირის შემდეგ.
ახლა დაახლოებით ამ ფაზაში ვართ, ამიტომ მაქსიმალურად უნდა შევეცადოთ, რომ ყველა რეკომენდაცია შევასრულოთ და მაისი როგორმე ამ დამშვიდებისკენ ტენდენციით გავიაროთ“, – განაცხადა გამყრელიძემ.
