ორგანიზაცია „ხალხისთვის“ ლიდერი ანა დოლიძე დიდუბე-ჩუღურეთის მაჟორიტარობის კანდიდატი იქნება. ამის შესახებ დოლიძემ საკუთარ Facebook-გვერდზე დაწერა.

„ჩემო კარგო ხალხო, მივიღე გადაწყვეტილება დავდგე მაჟორიტარად დიდუბე-ჩუღურეთის რაიონში. ვერ დავუტოვებ საქართველოს გია ვოლსკის და მის ამფსონებს; ადამიანს, რომელსაც არავითარი შესაძლებლობა არ აქვს აქციოს ეს რაიონი ქალაქის ეკონომიკურ-კულტურულ ეპიცენტრად, უპასუხოს 21 საუკუნის გამოწვევებს და საჭირო ახალი მუხტი მისცეს ჩვენ ქვეყანას. ან დავრჩებით ვოლსკისთან ერთად ფანრიანი ტელეფონის ეპოქაში ან შევალთ 21 საუკუნეში. ეს იქნება დავითისა და გოლიათის ბრძოლა, თუმცა დარწმუნებული ვარ რომ გამარჯვება საქართველოს უკეთესი მომავლის მხარეზეა. დეტალები მოგვიანებით“, – წერს ანა დოლიძე.

შეგახსენებთ, რომ დიდუბე-ჩუღურეთის მაჟორიტარობაზე „ქართული ოცნებიდან“ კენჭს გიორგი ვოლსკი იყრის.