იურიდიულ საკითხთა კომიტეტის თავმჯდომარე ამნისტიის შესახებ კანონს ეხმაურება და მასში სტუდენტებისა და ქალების შესახებ მუხლების შესახებ საუბრობს.
როგორც ოხანაშვილი ამბობს, მძიმე და განსაკუთრებით მძიმე დანაშაულებთან მიმართებაში ჩამკეტი მექანიზმი იმოქმედებს.
„რაც შეეხება პატიმარ სტუდენტებსა და ქალებს, რომლებსაც ჰყავთ არასრულწლოვანი შვილები, აქაც შენარჩუნდება პრინციპები მთელ რიგ მუხლებთან მიმართებაში. ერთია, რომ ჩვენ გვაქვს მზაობა და სახელმწიფო გამოთქვამს მზაობას, რომ შესთავაზოს ამ პირებს საზოგადოებაში რეალიზაცია და ხელი შეუწყოს მათ დაბრუნებას საზოგადოებაში, თუმცა მეორე არის ასევე მნიშვნელოვანი კომპონენტი, ეს არის საზოგადოების უსაფრთხოება, ამიტომ ამ ბალანსის საფუძველზე პლენარული სხდომისთვის გვექნება რედაქციული ვერსია, რომელსაც ყველა ნახავს.
პირი თუ არის ნასამართლევი და სასჯელს იხდის, რა თქმა უნდა, იქნება მექანიზმი, რომ ასეთ პირებთან მიმართებაში დაბალანსებული მიდგომა მოგვიწევს. გააჩნია რა მუხლით არის გასამართლებული. ადამიანი, რომელიც გაუპატიურებისთვის, მკვლელობისთვის ან ტერორიზმისთვის თუ სხვა მძიმე ან განსაკუთრებით მძიმე დანაშაულისთვის იყო ნასამართლევი და შემდეგ კიდევ ჩაიდინა დანაშაული, რა თქმა უნდა, იქნება ჩამკეტი მექანიზმი იმისთვის, რომ ასეთ პირებთან მიმართებაში შესაძლებელია ვიფიქროთ შეღავათი, თუმცა ამ პირების გათავისუფლება და სასჯელის განახევრება იქნება საფრთხილო“,- განაცხადა ანრი ოხანაშვილმა.
თუ თქვენი ახლობელი პატიმარია, გადაამოწმეთ ეხება თუ არა ამნისტია
