ანტიკრიზისული ბიუჯეტის განხილვა საპარლამენტო ფრაქციებში დღეიდან იწყება.
ოპოზიციურ პარტიებს ფინანსურ დოკუმენტთან დაკავშირებით კრიტიკული შენიშვნები აქვთ. როგორც „ევროპული საქართველოს“ წევრი, ზურაბ ჭიაბერაშვილი აცხადებს, შეცვლილი ბიუჯეტი მოქალაქეების პრობლემებს არ პასუხობს.
ფრაქცია „ნაციონალურ მოძრაობაში“ კი აცხადებენ, რომ ხელისუფლება გრანტებითა და სესხებით შევსებულ „ბიუჯეტს ფლანგავს“.
შეცვლილ ბიუჯეტში შემოსავლები მილიარდ 800 მილიონით მცირდება, ასევე 600 მილიონით მცირდება ხარჯვითი ნაწილი.
ცნობისთვის, საფინანსო-საბიუჯეტო კომიტეტის შემაჯამებელი სხდომა 17 ივნისს არის ჩანიშნული, რის შემდეგაც კომიტეტი შენიშვნებითა და რეკომენდაციებით დაუბრუნებს ანტიკრიზისული ბიუჯეტის პროექტს მთავრობას.
