აფხაზეთის საოკუპაციო რეჟიმმა საქართველოს სამი მოქალაქე უკანონო ტყვეობიდან გაათავისუფლა. სუს-ის ინფორმაციით, მათ ეს საკითხი ცხელი ხაზის მეშვეობით დაუდასტურეს.
1990 წელს დაბადებული კვირკვია ბუთხუზი, 1987 წელს დაბადებული ლამანძია მიხეილი და 1992 წელს დაბადებული ლამანძია მათე აფხაზეთის ე.წ. სახელმწიფო საზღვრის უკანონო გადაკვეთისთვის იყვნენ დაკავებულები.
სამივე მათგანის წინააღმდეგ აღძრული იყო ე.წ. სისხლის სამართლის საქმე ოკუპირებული აფხაზეთის ე.წ. სისხლის სამართლის კოდექსის 324 მუხლის მეორე ნაწილით, რაც „პირთა ჯგუფის მიერ წინასწარი განზრახვით, სახელმწიფო საზღვრის გადაკვეთას“ გულისხმობს.
როგორც „პრაიმტაიმნიუსს“ სუს-ში განუცხადეს, გათავისუფლებული საქართველოს მოქალაქეები ცენტრალური ხელისუფლების მიერ კონტროლირებად ტერიტორიაზე ჯერ არ იმყოფებიან.
