დემონსტრანტები ცესკოს მიმდებარე ტერიტორიას ტოვებენ. დაშლისკენ შეკრებილებს ნიკა მელიამ და ალეკო ელისაშვილმა მოუწოდეს. მათივე თქმით, საპროტესტო აქცია პარლამენტთან 9 ნოემბერს, 18:00 საათზე განახლდება.

„ეს ბრძოლა არა თუ არ შეჩერედება, არ შენელდება. რუსთაველის გამზირზე ხვალ, 6 საათზე ვიკრიბებით ერი“, – განაცხადა მელიამ.

ცნობისთვის, 8 ნოემბერს, პარლამენტთან მიმდინარე აქციაზე ნიკა მელიამ მოუწოდა აქციის მონაწილეებს, ცესკოსთან გადაადგილებულიყვნენ. „ვერავინ იქ ვეღარ შევა, ვერავინ იქიდან ვეღარ გამოვა“, – განაცხადა მელიამ.

აქციის მონაწილეებმა ცესკოს შენობაში შესვლა სცადეს.  გავრცელდა კადრები, რომელშიც ჩანს, როგორ ცდილობენ აქტივისტები ჯებირების მორღვევას. სიტუაცია კიდევ უფრო დაიძაბა, რაც ადგილზე სპეცრაზმი გამოჩნდა და მათი დაშლა დაიწყო. ცესკოსთან პოლიციამ მომიტინგეების მისამართით წყლის ჭავლი გამოიყენა.

ცესკოთან განვითარებულ მოვლენებზე ყველა ინფორმაცია და ვიდეო ნახეთ აქ