“ნაციონალური მოძრაობის” თავმჯდომარის ნიკა მელიას განცხადებით, “ქართულ ოცნებას” პარლამენტში ოპოზიციის შესვლა “ფასადური დემოკრატიის” შესაქმნელად სჭირდება.
მელიას თქმით, ის აპირებს “ერთი დიდი წერტილი დაუსვას” პარლამენტში შესვლის საკითხს, რადგან კობახიძესთან ერთად პარლამენტში ჯდომას არ აპირებს.
“არ მინდა ვიყო პარლამენტში, მაქვს მაგის უფლება თუ არა? არ მინდა პარლამენტში, არ მინდა იმიტომ, რომ ეს არ არის პარლამენტი. რატომ არ მიწყვეტენ უფლებამოსილებას? რადგან იციან რომ არჩევნები მოიპარეს. ფასადური დემოკრატიის შექმნისთვის კი, “ქართულ ოცნებას” უნდათ~ რომ გამომიყენონ მე, მაგრამ არ შევდივარ. ირმა ინაშვილიც კი არ შევიდა პარლამენტში, რომლის პარტიაც ფაქტობრივად პოლიტიკური პარტნიორი იყო “ქართული ოცნების”. არ მინდა კობახიძესთან ერთად იმ დარბაზში ჯდომა, სადაც უბრალოდ არაფერი მესაქმება. იქნებ, ერთი დიდი წერტილი დავუსვათ ამ საკითხს,”- განაცხადა ნიკა მელიამ “რუსთავი 2-ის” ეთერში.
