პარლამენტის დამოუკიდებელი წევრი ნატო ჩხეიძე ნიკა მაჭუტაძის პარტიის „მოძრაობა სახელმწიფო ხალხისთვის“ თავმჯდომარე გახდა.
ჩხეიძე „პრაიმტაიმთან“ საუბარში იხსენებს რუსეთში გამართულ ვიზიტებსა და მის შედეგებს აფასებს.
„იქ (რუსეთში) მე რა განცხადებებსაც ვაკეთებდი და რა წინადადებებსაც ვამბობდი შეხვედრების დროს, იყო გალის რაიონში მეტი საშუალება ყოფილიყო ქართული სწავლებისა, მიმოსვლის გაიოლება, ტურისტული ვიზებით მაინც და არ ყოფილიყო ჩაკეტილი ეს ყველაფერი.
ეს იყო სოციალური პრობლემების გადაჭრის გზების ძიება. თუ ეს მოხერხდებოდა ან მოხერხდება, გარკვეული ადამიანებისთვის, ვინც რუსეთშია წასული იქნება შეღავათი, მსგავსი პრობლემების მოსაგვარებლად ყოველთვის ყველა პარტია უნდა იყოს მზად,”- აცხადებს ნატო ჩხეიძე.
ნატო ჩხეიძე არ გამორიცხავს, რომ რუსეთს კვლავ ეწვიოს თუ ეს საჭირო გახდება.
„რუსეთს უნდა ეწვიო თუ სხვას უნდა ეწვიო ეს არის პოლიტიკური შეთანხმების შედეგი. გაირკვევა ვის უნდა ვეწვიოთ და სადაც საჭირო იქნება ჩემი ყოფნა სოციალური პრობლემების გადასაწყევტად ყველგან და ყოველთვის იქ ვიქნები,”- აცხადებს ჩხეიძე.
„მოძრაობა სახელმწიფო ხალხისთვის“ თავმჯდომარე რუსეთში საკუთარ ვიზიტებს აფასებს და აღნიშნავს, რომ ეს მოლაპარაკებები დასაწყისისთვის საჭირო იყო.
„მცდელობა არასდროსაა ცუდი, შედეგის მომტანი იმ დროს არ იქნებოდა, თუმცა სამომავლოდ რაღაცა თუარ დავიწყეთ არასდროს არაფერი განვითარდება, თუმცა ყოველთვის ურთიერთობები სახელმწიფოში მმართველი გუნდის პრეროგატივა.
შედეგისმომცემი ჩვენი შეხვედრები არ იქნებოდა, მაგრამ ის მაინც იქნებოდა, რომ ამბავს მიიტანდნენ სადღაც მაღალ თანამდებობებზე მყოფ პოლიტიკურ პირებთან.
ჩვენი რუსეთში ჩასვლით რამე რომ შეიცვლებოდა ამის არ მჯეროდა, მაგრამ ის რომ ცდილობ ეს უკვე საქმის დასაწყისია“
– აცხადებს ნატო ჩხეიძე.
