„ქართული ოცნება“ იმდენად ძლიერია, რომ კონკურენტებს ერთადერთი რაც დარჩენიათ, პროვოკაციებია“,- ამის შესახებ საქრთველოს პრემიერ-მინსიტრმა, გიორგი გახარიამ ონში, მაჟორიტარი კანდიდატის წარდგენის დროს განაცხადა.
გახარია „ოცნების“ ამომრჩეველს მოუწოდებს, არ აყვნენ პროვოკაციებს, რათა „სამართლიან ბრძოლაში“ გაიმარჯვონ.
„ჩვენ ყველა კარგად ვხედავთ როგორ ძლიერად არის „ქართლი ოცნება“ წარმოდგენილი მთელი ქვეყნის მასშტაბით. მინდა ჩვენს მხარდამჭერებს მოვუწოდო, რომ არ წამოვეგოთ არანაირ პროვოკაციებს.
„ქართული ოცნება“ იმდენად ძლიერია, რომ კონკურენტებს ერთადერთი რაც დარჩენიათ, პროვოკაციებია. ჩვენ უნდა გვქონდეს მოთმინების ძალა, რადგან ეს ყველაფერი გადავიტანოთ ღირსეულად და სამართლიან ბრძოლაში გავიმარჯვოთ“,- განაცხადა გიორგი გახარიამ.
ცნობისთვის, საქართველოში 2020 წლის საპარლამენტო არჩევნები 31 ოქტომბერს გაიმართება.
